महिला पैलवानाचं आव्हान स्वीकारणं महागात, राखी सावंत जखमी
नवी दिल्ली : आपल्या विविध वक्तव्यांमुळे चर्चेत असणारी अभिनेत्री राखी सावंत आता वेगळ्याच घटनेमुळे चर्चेत आहे. एका परदेशी महिला कुस्तीपटूने दिलेलं आव्हान स्वीकारत राखी सावंत चक्क आखाड्यात उतरली. मात्र हे कुस्तीपटूचं आव्हान स्वीकारणं राखी सावंतला चांगलंच महागात पडलं. ती यामध्ये जखमी झाली आहे. पंचकुलामध्ये ही महिला कुस्ती स्पर्धा आयोजित करण्यात आली होती. एका विदेशी महिला […]
नवी दिल्ली : आपल्या विविध वक्तव्यांमुळे चर्चेत असणारी अभिनेत्री राखी सावंत आता वेगळ्याच घटनेमुळे चर्चेत आहे. एका परदेशी महिला कुस्तीपटूने दिलेलं आव्हान स्वीकारत राखी सावंत चक्क आखाड्यात उतरली. मात्र हे कुस्तीपटूचं आव्हान स्वीकारणं राखी सावंतला चांगलंच महागात पडलं. ती यामध्ये जखमी झाली आहे.
पंचकुलामध्ये ही महिला कुस्ती स्पर्धा आयोजित करण्यात आली होती. एका विदेशी महिला कुस्तीपटूने ओपन चॅलेंज देत भारतीय महिलांना ललकारलं. कुणात दम असेल तर पुढे या, असं आव्हान तिने दिलं. मग राखी सावंत सेटवर आली आणि तिनेही तिला माझ्यासारखं नाचून दाखव असं चँलेंज दिलं. मात्र नाचू लागल्यानंतर विदेशी कुस्तीपटूने तिला उचलून टाकलं आणि त्यात राखी सावंत जखमी झाली. त्यानंतर तिला उपचारासाठी दवाखान्यात नेण्यात आलं.
महिला पैलवान रोबेलने अगोदर राखी सावंतला खांद्यावर घेतलं आणि नंतर जोरात खाली आपटलं, असं बोललं जात आहे. रिंगमध्ये सात ते आठ मिनिट राखी सावंत पडून असल्याचंही सांगितलं जातंय. राखी सावंत जखमी झाल्याचं काही प्रेक्षकांच्या लक्षात आलं आणि त्यांनी आयोजकांना सांगत तातडीने राखी सावंतला दवाखान्यात नेण्यास सांगितलं.
राखी सावंत जखमी झाली हे लक्षात येताच तिला उचलण्याचा प्रयत्न करण्यात आला. पण महिला पैलवानाने राखी सावंतला खांद्यावर घेऊन एवढं जोरात आपटलं होतं, की तिला चालताही येत नव्हतं.
पाहा व्हिडीओ :