ठग्स ऑफ हिंदोस्तान ची HD प्रिंट लीक
मुंबई: आमीर खानसह दिग्गज अभिनेत्यांची फौज असलेला सिनेमा ठग्स ऑफ हिंदोस्तान (Thugs of Hindostan) दिवाळीच्या मुहूर्तावर काल 8 नोव्हेंबरला रिलीज झाला. मात्र रिलीजनंतर काही तासातच हा सिनेमा ऑनलाईन लीक झाला आहे. पायरसीसाठी फेमस असलेली वेबसाईट तमिळ रॉकर्सवर हा सिनेमा लीक करण्यात आला आहे. या वेबसाईटवर Thugs of Hindostan हा सिनेमा तीन भाषेत HD क्वालिटीमध्ये अपलोड […]
मुंबई: आमीर खानसह दिग्गज अभिनेत्यांची फौज असलेला सिनेमा ठग्स ऑफ हिंदोस्तान (Thugs of Hindostan) दिवाळीच्या मुहूर्तावर काल 8 नोव्हेंबरला रिलीज झाला. मात्र रिलीजनंतर काही तासातच हा सिनेमा ऑनलाईन लीक झाला आहे. पायरसीसाठी फेमस असलेली वेबसाईट तमिळ रॉकर्सवर हा सिनेमा लीक करण्यात आला आहे. या वेबसाईटवर Thugs of Hindostan हा सिनेमा तीन भाषेत HD क्वालिटीमध्ये अपलोड करण्यात आला आहे. सिनेमा लीक झाल्यानंतर चिडलेल्या फॅन्सनी तामिळ फिल्म कौन्सिलकडे तक्रार करुन, सिनेमा लीक करण्यांविरोधात कारवाई करण्याची मागणी केली आहे.
एकीकडे ठग्स ऑफ हिंदोस्तान लीक झाला असताना, त्याआधीच दक्षिणेचा सुपरस्टार विजयचा सरकार हा सिनेमाही लीक करण्यात आला होता. त्यावेळी झालेल्या तक्रारीनंतर फिल्म कौन्सिलने थिएटर मालकांना थिएटरमध्ये लोकांना कॅमेरा आणि मोबाईल फोन आणण्यास बंदी घालण्यात आली होती.
दुसरीकडे ठग्स ऑफ हिंदोस्तान रिलीज झाल्यानंतर सोशल मीडियावर चांगलंच ट्रोलिंग सुरु आहे. समीक्षक आणि प्रेक्षकांनी हा सिनेमा अत्यंत वाह्यात आणि निराशाजनक असल्याच्या प्रतिक्रिया दिल्या आहेत. सोशल मीडियावर तर या सिनेमावरुन जोक सुरु असून अनेक मीम्स व्हायरल होत आहेत.
सिनेमा ऑनलाईन लीक आणि प्रेक्षकांच्या नकारात्मक प्रतिक्रियांमुळे सिनेमाच्या कमाईवर नक्कीच परिणाम होणार आहे.
सर्वात महागडा सिनेमा ठग्स ऑफ हिंदोस्तान
ठग्स ऑफ हिंदोस्तान हा हिंदीतील सर्वात महागडा सिनेमा आहे. या सिनेमाचं बजेट तब्बल 240 कोटी इतकं आहे. यशराज बॅनरने या सिनेमाची निर्मिती केली आहे. या सिनेमात आमीर खान, अमिताभ बच्चन, कतरिना कैफ, फातिमा सना शेख यासारखी तगडी स्टारकास्ट आहे.
यापूर्वी पद्मावत या सिनेमाचं बजेट 210 कोटी रुपये होतं.
संबंधित बातम्या