अवनीच्या हत्येची चौकशी करु : मुख्यमंत्री
मुंबई: टी वन वाघिणीला ठार केल्याप्रकरणी चौकशी केली जाईल, असं मुख्यमंत्री देवेंद्र फडणवीस यांनी जाहीर केलं. ते मुंबईत बोलत होते. वाघिणीला ठार मारणे हे दु:खदायक होतं असंही मुख्यमंत्री म्हणाले. यवतमाळमधील नरभक्षक वाघिणीला शुक्रवारी रात्री गोळी घालून ठार करण्यात आलं. याप्रकारानंतर प्राणीप्रेमींकडून निषेध व्यक्त होत आहे. खुद्द केंद्रीय महिला आणि बालकल्याण मंत्री मेणका गांधी यांनी या […]
मुंबई: टी वन वाघिणीला ठार केल्याप्रकरणी चौकशी केली जाईल, असं मुख्यमंत्री देवेंद्र फडणवीस यांनी जाहीर केलं. ते मुंबईत बोलत होते. वाघिणीला ठार मारणे हे दु:खदायक होतं असंही मुख्यमंत्री म्हणाले.
यवतमाळमधील नरभक्षक वाघिणीला शुक्रवारी रात्री गोळी घालून ठार करण्यात आलं. याप्रकारानंतर प्राणीप्रेमींकडून निषेध व्यक्त होत आहे. खुद्द केंद्रीय महिला आणि बालकल्याण मंत्री मेणका गांधी यांनी या घटनेचा निषेध नोंदवत, महाराष्ट्र सरकारला आरोपीच्या पिंजऱ्यात उभं केलं.
मेणका गांधींच्या आक्रमक पवित्र्यानंतर राज्याचे वनमंत्री सुधीर मुनगंटीवार यांनी स्पष्टीकरण देताना, सुप्रीम कोर्टाच्या आदेशाने वाघिणीला मारल्याचं म्हटलं. तसंच वाघ मारल्याने कोणाला आनंद झालेला नाही, तर ती नरभक्षक असल्याने तिला बेशुद्ध करण्याचा प्रयत्न केला. पण तिने प्रतिहल्ला केल्याने तिच्यावर गोळी झाडल्याचं स्पष्टीकरण दिलं.
या सर्व प्रकारानंतर आता मुख्यमंत्री देवेंद्र फडणवीस यांनी टी वन वाघिणीच्या हत्येची चौकशी करण्याची घोषणा केली. वाघिणीचा खात्मा
तब्बल 13 जणांची शिकार करणाऱ्या नरभक्षक टी-1 वाघिणीचा खात्मा करणाऱ्यात अखेर दीड महिन्यांनी यश आलं. शार्प शूटर अजगर अलीने शुक्रवारी 2 नोव्हेंबरच्या रात्री एकच्या सुमारास टी-1 वाघिणीला अचूक टिपत तिला गतप्राण केलं. टी-वाघिणीचा खात्मा होताच, गेल्या अनेक दिवसांपासून भयभीत अवस्थेत जगणाऱ्या यवतमाळच्या राळेगावातील नागरिकांनी सुटकेचा निश्वास सोडत एकच जल्लोष केला.
संबंधित बातम्या
