सरकारी नोकरीची सुवर्णसंधी! पोस्ट बँकेत करा अर्ज

IPPB Vacancy: विचार करत बसू नका. इंडिया पोस्ट पेमेंट्स बँकेने स्पेशालिस्ट ऑफिसर पदाच्या भरतीसाठी जाहिरात प्रसिद्ध केली आहे. तुम्हाला नववर्षाआधीच ही संधी मिळतेय. या भरतीसाठी 21 डिसेंबरपासून अर्ज प्रक्रिया सुरू होणार आहे. अधिक माहितीसाठी पुढे वाचा.

इंडिया पोस्ट पेमेंट्स बँक (IPPB) येथे स्पेशालिस्ट ऑफिसर (SO) पदांची भरती होणार आहे. इंडिया पोस्ट पेमेंट्स बँकेने नुकतीच या भरतीसाठी अधिसूचना जारी केली आहे. 60 हून अधिक पदांसाठी ही भरती प्रक्रिया राबविली जात असून, यामध्ये आयटी, सायबर सिक्युरिटी आणि इतर तांत्रिक क्षेत्रातील तज्ज्ञांचा शोध तज्ज्ञ घेत आहेत.

तुम्ही या भरतीसाठी अर्ज करण्याचा विचार करत असाल तर त्यासंबंधीचे सर्व तपशील लिहून घ्या आणि अर्जाची लिंक ॲक्टिव्ह होताच अर्ज करा.

महत्वाच्या तारखा

इच्छुक उमेदवार 21 डिसेंबर 2024 पासून अर्ज करू शकतात. स्पेशालिस्ट ऑफिसर पदांसाठी अर्ज करण्याची शेवटची तारीख 10 जानेवारी 2025 आहे.

‘या’ भरती प्रक्रियेअंतर्गत किती पदे भरणार?

एकूण 68 पदे रिक्त आहेत. यामध्ये असिस्टंट मॅनेजर, मॅनेजर, सीनियर मॅनेजर आणि सायबर सिक्युरिटी एक्स्पर्ट अशा पदांचा समावेश आहे.

असिस्टंट मॅनेजर (आयटी): 54 जागा

मॅनेजर (आयटी पेमेंट सिस्टीम): 1 पोस्ट

मॅनेजर (आयटी इन्फ्रास्ट्रक्चर, नेटवर्क अँड क्लाऊड): 2 जागा

सीनियर मॅनेजर (आयटी पेमेंट सिस्टीम): 1 पद

सायबर सिक्युरिटी एक्स्पर्ट: 7 जागा

700 रुपये ऑनलाईन पद्धतीने अर्ज शुल्क

उमेदवारांना 700 रुपये ऑनलाईन पद्धतीने अर्ज शुल्क भरावे लागणार आहे. पात्रता निकष आणि शैक्षणिक पात्रतेबद्दल संपूर्ण माहितीसाठी आपल्याला अधिकृत भरती अधिसूचना तपासावी लागेल.

अर्ज कसा भरावा?

सर्वप्रथम ippbonline.com अधिकृत संकेतस्थळावर जा. स्वतःची नोंदणी करा, यासाठी “नवीन नोंदणी” वर क्लिक करा आणि आपले तपशील भरा. यानंतर आवश्यक ती माहिती आणि कागदपत्रे अपलोड करा. विहित अर्ज शुल्क भरा. यानंतर फॉर्म नीट तपासून सबमिट करा. अर्जाची प्रिंटआऊट काढून ठेवा.

निवड प्रक्रिया

निवड प्रक्रियेत ऑनलाईन परीक्षा, मुलाखत आणि कागदपत्र पडताळणीचा समावेश असेल. उमेदवारांनी परीक्षेसाठी विहित केलेला अभ्यासक्रम आणि सूचना काळजीपूर्वक वाचण्याचा सल्ला देण्यात आला आहे.

करिअरच्या संधी

ही भरती तरुणांसाठी सरकारी क्षेत्रात करिअर करण्याची सुवर्णसंधी आहे. विशेषत: तांत्रिक आणि आयटी कौशल्य असलेल्या उमेदवारांसाठी हे एक उत्तम व्यासपीठ आहे.

फॉर्म भरण्यापूर्वी तपासा

फॉर्म भरण्यापूर्वी अर्जात दिलेली सर्व माहिती बरोबर असावी याची नोंद घ्यावी. अपूर्ण माहिती किंवा चुकीची कागदपत्रे सादर केल्यास अर्ज फेटाळला जाऊ शकतो.