संतापजनक! शाळेत लिफ्टच्या कामासाठी आलेल्या कामगाराकडून तीन विद्यार्थिनींचा विनयभंग, नामांकित शाळेतील प्रकार

महाराष्ट्रात महिला आणि मुली सुरक्षेचा प्रश्न पुन्हा एकदा ऐरणीवर आला आहे. कारण शाळेतच विद्यार्थिनी सुरक्षित नसल्याचं पुन्हा-पुन्हा समोर येत आहे. बदलापुरात याआधीच भयानक घटना घडली आहे. त्या घटनेतील आरोपीवर गोळीबार झाल्याचा प्रकार समोर आला होता. बदलापुरातील चिमुकल्या मुलींवरील अत्याचाराच्या घटनेमुळे संपूर्ण राज्य हादरलं होतं. पण अशा घटनांनंतरही तशाप्रकारचं कृत्य करणाऱ्या आरोपींना रोखण्यात यश येताना दिसत नाही. काही नराधम आजही अशाप्रकारचं विकृत कृत्य करत असल्याचं पुन्हा एकदा समोर आलं आहे. भांडुपमध्ये एका नामांकीत शाळेत अवघ्या पाचवी इयत्तेतील विद्यार्थिंनींचा विनयभंग झाल्याचा धक्कादायक प्रकार समोर आला आहे.

शाळेमध्ये लिफ्टच्या कामासाठी आलेल्या कामगाराने भांडुपमधील एका नामांकित इंग्रजी माध्यमाच्या शाळेमधील तीन विद्यार्थिनींचा विनयभंग केल्याचा प्रकार उघडकीस आला आहे. गोपाल गौडा (वय २७) असे आरोपी तरुणाचे नाव आहे. शाळेच्या बेसमेंटमध्ये तो लिफ्टचे मेंटेनन्सचे काम करत होता. त्यावेळी योगा करण्यासाठी दुपारी एकच्या दरम्यान तिथे पाचवी इयत्तेच्या मुली योगा क्लासेससाठी आल्या होत्या. त्यावेळी गोपाल याने या विद्यार्थिनींपैकी एकीच्या पाठीवरून हात फिरवला. तसेच इतर मुलींसोबत अश्लील चाळे करण्याचा प्रयत्न केला.

हे सुद्धा वाचा

उरणमध्ये चड्डी-बनयान गँगचा हैदोस, 25 लाख लंपास, सीसीटीव्हीत चोरटे कैद

ठरलं! देवेंद्र फडणवीस हेच मुख्यमंत्री होणार? भाजप आमदार पाहा काय म्हणाले?

रोहित पवार यांचा अण्णा हजारे यांना खोचक टोला, म्हणाले, ‘भाजपचं सरकार असल्याने…’

आतली बातमी! गृहखात्यावरुन भाजप आणि शिंदे गटात वाद, सूत्रांकडून महत्त्वाची माहिती

शाळेच्या प्रशासने आरोपीला केलं पोलिसांच्या स्वाधीन

आरोपी गोपालच्या वर्तनाने तिघी मुली घाबरल्या. त्या तेथून स्वतःची सुटका करून पळून गेल्या. या विद्यार्थिनींनी घडलेला प्रकार त्यांच्या शिक्षकांना सांगितला आणि तातडीने शाळेच्या प्रशासनाने गोपाल गवडा याला पकडून पोलिसांच्या स्वाधीन केलं. गोपाल याला 2 डिसेंबर पर्यंत पोलीस कोठडीत ठेवण्याचे आदेश न्यायालयाने दिले आहेत. अधिक तपास भांडुप पोलीस करत आहेत.