Deepika Padukone Health Update: अभिनेत्री दीपिका पादुकोण हिने आई झाल्यानंतर बॉलिवूडमधून ब्रेक घेतला आहे. सध्या अभिनेत्री मातृत्वाचा आनंद घेत आहे. गेल्या काही दिवसांपासून अभिनेत्री तिच्या खासगी आयुष्यात व्यस्त आहे. दीपिका अभिनयापासून दूर असली तरी, सोशल मीडियावर कायम सक्रिय असते. सोशल मीडियावर अभिनेत्री पोस्ट शेअर करत असते. आता अभिनेत्रीच्या आईने नातीच्या प्रकृतीबद्दल मोठी माहिती दिली आहे. सध्या सर्वत्र दीपिका पादुकोण हिच्या आईच्या वक्तव्याची चर्चा रंगली आहे.
सांगायचं झालं तर, दीपिका हिच्या आई उज्जला आणि बहीण अनीषा पादुकोण यांनी शनिवारी रात्री मुंबईतील एका हॉटेल बाहेर स्पॉट करण्यात आलं. दोघींना पाहताच पापाराझींनी गर्दी केली. दीपिकाच्या आईने आणि बहिणीने पापाराझींना पोज देखील दिल्या. तेव्हा अनेकांनी दीपिकाच्या लेकीबद्दल विचारलं.
दीपिकाच्या लेकीबद्दल प्रश्न विचारल्यानंतर, अभिनेत्रीच्या आई उज्जला म्हणाल्या, ‘ती ठीक आहे…’ असं म्हणत दोघी कारमध्ये बसल्या… सांगायचं झालं तर, दीपिका हिने 8 सप्टेंबर रोजी गोंडस मुलीला जन्म दिला. दीपिका आणि अभिनेता रणवीर सिंग यांनी सोशल मीडियाच्या माध्यमातून मुलीचं आगमन झाल्याची आनंदीची बातमी चाहत्यांसोबत शेअर केली.
एवढंच नाही तर, लेकीला जन्म दिल्यानंतर दीपिका हिने स्वतःचं इन्स्टाग्राम बायो देखील बदललं… फीड.बर्प.स्लीप.रिपीट… असं अभिनेत्रीने लिहिलं आहे. दीपिका आणि रणबीर यांनी सोशल मीडियाच्या माध्यमातून मुलीचा जन्म झाल्याची माहिती दिल्यानंतर फक्त चाहत्यांनीच नाही तर, सेलिब्रिटींनी देखील दोघांवर शुभेच्छांचा वर्षाव केला.
दीपिका पादुकोण हिच्या कामाबद्दल सांगायचं झालं तर, अभिनेत्री लवकरच ‘सिंघम अगेन’ सिनेमाच्या माध्यमातून चाहत्यांच्या भेटीस येणार आहे. सिनेमात दीपिका पोलीस अधिकाऱ्याच्या भूमिकेत दिसणार आहे. सिनेमात दीपिका हिच्यासोबत अजय देवगन, करीना कपूर खान, अक्षय कुमार, रणवीर सिंग, अर्जुन कपूर आणि टायगर श्रॉफ महत्त्वाच्या भूमिकेत दिसणार आहे.