IIFA Awards 2024: बॉलिवूडमध्ये शाहरुख खानचा बोलबाला, हॉलिवूडकडे ‘बादशाह’ का फिरवतो पाठ? कारण समोर

IIFA Awards 2024: अबु धाबी याठिकाणी सध्या सेलिब्रिटींची मांदियाळी पाहायला मिळत आहे. ‘आयफा अवॉर्ड 2024’ साठी बॉलिवूड सेलिब्रिटी एकाच छताखाली आहेत. पुरस्कार सोहळ्याचे फोटो आणि व्हिडीओ सध्या सोशल मीडियावर तुफान व्हायरल होत आहे. यंदाच्या वर्षी पुरस्कार सोहळा अभिनेता शाहरुख खान होस्ट करत आहे. त्यामुळे चाहत्यांचा उत्साह देखील शिगेला पोहोचला आहे. यंदाच्या वर्षी शाहरुख खान आणि अभिनेता विकी कौशल यांनी पुस्कार सोहळ्याच्या होस्टची भूमिका निभावली आहे. शिवाय दोघांनी दमदार डान्स देखील केला आणि एकमेकांसोबत विनोदी अंदाजात पुरस्कार सोहळा होस्ट केला.

हॉलिवूड सिनेमे का नाही करत शाहरुख खान?

शाहरुख खान कायम त्याच्या स्पष्ट वक्तव्याने स्वतःचं मत मांडत असतो. आता हॉलिवूड सिनेमे का नाही करत? यामागचं कारण देखील अभिनेत्याने विनोदी अंदाजात दिलं आहे. ‘मी हॉलिवूड सिनेमे करत नाही. कारण मी स्वतःला आऊटसायडर मानतो.’ पुढे विकी याची खिल्ली उडवत किंग खान म्हणतो, ‘मी इतर नेपो किड्स प्रमाणे नाही. मी स्वतःला बाहेरचा मानतो.’

एवढंच नाही तर, शाहरुख खान याने विकी याला इंडस्ट्रीचा लहान मुलगा देखील म्हटलं आहे. शिवाय दोघांनी एकत्र डान्स देखील केला. आयफाच्या ऑफिशिल इन्स्टाग्रामवर शाहरुख आणि विकीचे अनेक फोटो, व्हिडीओ तुफान व्हायरल होत आहेत. व्हिडीओवर चाहते लाईक्स आणि कमेंटचा वर्षाव करत आहेत.

शाहरुख खान हॉलिवूड सिनेमा करण्यास नकार दिला. पण बॉलिवूडमध्ये शाहरुख याचा बोलबाला आहे. ‘झीरो’ सिनेमा फ्लॉप झाल्यानंतर शाहरुख खान याने चार वर्षांनंतर ‘पठाण’ सिनेमातून बॉलिवूडमध्ये पुन्हा पदार्पण केलं आणि बॉक्स ऑफिसवर राज्य केलं. ‘पठाण’ सिनेमानंतर ‘जवान’ आणि ‘डंकी’ सिनेमातून किंग खान याने चाहत्यांची मने जिंकली.

‘आयफा अवॉर्ड 2024’ मध्ये सेलिब्रिटींचा बोलबाला

‘आयफा अवॉर्ड 2024’ मध्ये विकी कौशल, अनन्या पांडे, कृती सनॉन, यांनी दमदार परफॉर्मेंस केला. वयाच्या 69 व्या वर्षी ज्येष्ठ अभिनेत्री रेखा यांनी डान्स केला. रेखा यांचे फोटो देखील सोशल मीडियावर तुफान व्हायरल होत आहे. प्रत्येक पोस्टवर चाहते लाईक्स आणि कमेंटचा वर्षाव करत आहेत.