सुष्मिता सेनला मिस युनिव्हर्स बनवण्यासाठी पहिल्या बॉयफ्रेंडने मोजली मोठी किंमत, सत्य अखेर समोर

मुंबई | 6 मार्च 2024 : अभिनेत्री सुष्मिता सेन हिने 1994 मध्ये मिस युनिव्हर्सचा किताब पटकावला आणि प्रसिद्धी झोतात आली. सुष्मिता फक्त तिच्या सौंदर्याने आणि अभिनयाने नाहीतर, बोलण्याच्या कौशल्यामुळे देखील चाहत्यांच्या मनात स्वतःचं स्थान पक्क केलं. मिस युनिव्हर्स जिंकल्याच्या दोन वर्षांनंतर सुष्मिता हिने बॉलिवूडमध्ये पदार्पण केलं. सांगायचं झालं तर, सुष्मिता कायम स्वतःच्या खासगी आणि प्रोफेशनल आयुष्याबद्दल अनेक गोष्टी चाहत्यांना सांगत असते. अभिनेत्रीने तिच्या पहिल्या बॉयफ्रेंडबद्दल देखील मोठं सत्य चाहत्यांना सांगितलं.

एका मुलाखतीत सुष्मिता म्हणाली होती, ‘रजत तारा माझ्या पहिला बॉयफ्रेंड होता. त्याला मी माझ्या आयुष्यातील सर्वात महत्त्वाचा व्यक्ती मानते. कारण मिस इंडिया जिंकली आणि मला मिस युनिव्हर्सच्या ट्रेनिंगसाठी मुंबईत यावं लागलं. तेव्हा मुंबई माझ्यासाठी परदेशाप्रमाणे होतं. कारण माझं बालपण दिल्लीत गेलं होतं.’

‘मुंबईत मला एकटीला यायचं नव्हतं. तेव्हा मझ्यासोबत येण्यासाठी रजत तारा याने स्वतःची नोकरी सोडली. रजत तेव्हा बेनेटनसाठी काम करायचा. त्याने महिनाभरासाठी सुट्टी मागितली होती. पण त्याला नोकरीवरून काढण्यात आलं.’

रजत याला नोकरीवरून काढल्यानंतर तो सुष्मितासोबत मुंबईत आला. ट्रेनिंग पूर्ण होईपर्यंत रजत याने सुष्मिताची साथ सोडली नाही. ‘तेव्हा रजत सोबत नसता तर मी मिस युनिव्हर्स जिंकू शकली नसती…’ असं देखील अभिनेत्री म्हणाली.

सुष्मिता हिने आतापर्यंत अनेकांना डेट केलं आहे. उद्योजक ललित मोदी याच्यासोबत देखील सुष्मिता हिच्या नावाची चर्चा तुफान रंगली. सोशल मीडियावर दोघांचे खासगी फोटो देखील तुफान व्हायरल झाले. सध्या अभिनेत्री रोहमान शॉल याला डेट करत आहे. अनेक ठाकाणी दोघांना एकत्र स्पॉट देखील करण्यात आलं.

सुष्मिता हिचं नाव अनेक सेलिब्रिटींसोबत सोबत जोडण्यात आलं. पण कोणासोबतच अभिनेत्रीचं नातं लग्नापर्यंत पोहचू शकलं नाही. अभिनेत्रीने लग्न न करता दोन मुलींना दत्तक घेतलं आहे. सोशल मीडियावर अभिनेत्री दोन मुलींसोबत फोटो आणि व्हिडीओ पोस्ट करत असते.

सामान्य कुटुंबातील असलेल्या सुष्मिता हिने मोठी स्वप्न पाहिली आणि की स्वप्न पूर्ण केली. सुष्मिता हिला आज कोणत्याही ओळखीची गरज नाही. अनेक सिनेमांमध्ये महत्त्वाची भूमिका साकारत सुष्मिता हिने चाहत्यांच्या मनावर राज्य केलं. ओटीटी प्लॅटफॉर्मवर देखील सुष्मिताचा बोलबाला असतो.