Problems of being underweight: वजन कमी झाल्यानेही होऊ शकतो त्रास, ‘हे’ 5 आजार होण्याचा धोका
वजन कमी होणे हे अनेक समस्यांचे कारण असू शकते. वजन कमी होण्याचा अर्थ हा की तुमच्या शरीराला पुरेशा प्रमाणात पोषक तत्वं मिळत नाहीयेत.
नवी दिल्ली – शरीराचे वजन (weight gain) अधिक प्रमाणात असणे हेच प्रत्येक समस्येसाठी कारणीभूत ठरते, तर तुमचा हा विचार चुकीचा आहे. केवळ वजन जास्त असणे हेच नव्हे तर वजन कमी असणे यामुळेही अनेक समस्या उद्भवू शकतात. अंडरवेट (underweight) असणे म्हणजे निरोगी वजन श्रेणीपेक्षा वजन कमी असणे. ज्या लोकांचे वजन कमी असते ते नेहमी आजारी असतात, किंवा त्यांना अशक्तपणा, थकल्यसारखे वाटते. कारण त्यांना त्यांच्या आहारातून सर्व पोषक तत्वे (nutrition) मिळू शकत नाहीत. एवढेच नाही तर केस गळणे किंवा केस गळणे, त्वचा कोरडी पडणे किंवा दातांमधील समस्या असा त्रासही त्यांना होऊ शकतो.
कमी वजनामुळे कोणते आजार होऊ शकतात, हे जाणून घेऊया.
कमी वजन असलेल्या प्रत्येक व्यक्तीला त्याचे कोणतेही दुष्परिणाम किंवा लक्षणे जाणवत नाहीत, परंतु यामुळे काही आजार होऊ शकतात, जे खालीलप्रमाणे आहेत:
ऑस्टिओपोरोसिस : ज्या महिला अंडरवेट असतात, त्यांना ऑस्टिओपोरोसिसचा धोका अधिक असतो. या आजारामध्ये हाडं कमकुवत होतात आणि लवकर तुटू शकतात.
ॲनिमिया : ज्या व्यक्तीचे वजन कमी असते आणि रक्ताचे प्रमाण कमी असते त्याला ॲनिमिक म्हणतात. यामुळे व्यक्तीला चक्कर येणे, डोकेदुखी किंवा थकवा यासारख्या समस्या जाणवतात.
कमकुवत रोगप्रतिकार शक्ती : एखाद्या व्यक्तीचे वजन कमी होण्याचे कारण हे असू शकते की, त्या व्यक्तीला पुरेशी पोषक तत्वं मिळत नाहीत. त्यामुळे त्यांचे शरीर पुरेशी ऊर्जा साठवू शकत नाही. यामुळे त्यांची रोगांशी लढण्याची प्रतिकारशक्ती कमी होते.
त्वचा , केस किंवा दातांसंबधी समस्या : एखाद्या व्यक्तीला पुरेशा प्रमाणात पोषक तत्वं मिळत नसतील तर त्या व्यक्तीचे केस पातळ होतात, गळू लागतात. तसेच त्या व्यक्तीची त्वचा कोरडी होऊ शकते किंवा दातांसंबंधी समस्या उद्भवू शकतात.
वाढीची समस्या : तरुणांना वाढीसाठी आणि निरोगी हाडांसाठी पुरेशा पोषक तत्वांची गरज असते. कमी वजनामुळे आपल्याला पुरेशा कॅलरीज मिळत नाहीत त्यामुळे योग्य वाढ होऊ शकत नाही.