जगातील सर्वात मोठं विमानतळ, इतकं मोठं की संपूर्ण मुंबई त्यात बसेल
विमानतळ देशांना आणि शहरांना जोडण्याचे काम करते. जगातील काही देश सोडले तर जवळपास सर्वच देशांमध्ये अनेक मोठी मोठ विमानतळ आहेत. पण जगात एक असे आंतरराष्ट्रीय विमानतळ हे जगातील सर्वात मोठे विमानतळ आहे. हे इतकं मोठं आहे की, ज्यामध्ये संपूर्ण मुंबई समाविष्ट होऊ शकते.
जगात विमानतळाची भूमिका खूप महत्त्वाची ठरते. विमानतळ देशांना आणि शहरांना लोकांशी जोडतात. जगातील काही देश सोडले तर जवळपास सर्वच देशांमध्ये अनेक विमानतळ आहेत. पण सौदी अरेबियाचे किंग फहद आंतरराष्ट्रीय विमानतळ हे जगातील सर्वात मोठे विमानतळ आहे. हे विमानतळ सौदी अरेबियातील दमाममध्ये अंदाजे 780 स्क्वेअर किलोमीटरवर पसरले आहे. हे विमानतळ क्षेत्रफळाच्या दृष्टीने जगातील सर्वात मोठे विमानतळ आहे. किंग फहद आंतरराष्ट्रीय विमानतळाचे नाव सौदी अरेबियाचे राजा फहद बिन अब्दुलअजीझ अल सौदी यांच्या नावावर ठेवण्यात आले आहे. हे विमानतळ जगातील सर्वात सुंदर विमानतळांपैकी एक आहे. या विमानतळावर उत्तम लक्झरी सुविधा उपलब्ध आहेत. आणखी एक गंमत म्हणजे हे विमानतळ इतके मोठे आहे की संपूर्ण मुंबई शहर त्यात बसू शकेल.
विमानतळाची क्षमता किती आहे?
हे विमानतळ ऑक्टोबर 1999 मध्ये पहिल्यांदा कार्यान्वित झाले. मीडिया रिपोर्ट्सनुसार, या विमानतळाच्या मदतीने दरवर्षी सुमारे 2 कोटी लोक प्रवास करतात. प्रवासी क्षमतेच्या बाबतीत हे विमानतळ जगातील तिसरे मोठे विमानतळ आहे. या विमानतळावरून दरवर्षी 1 लाख 25 हजार टन मालाचा पुरवठा होतो. विमानतळ संकुलाच्या आत एक मशीद देखील आहे, ज्यामध्ये सुमारे 2 हजार लोकं एकाच वेळी नमाज अदा करू शकतात.
View this post on Instagram
या विमानतळावर एअरबस A340-600 आणि बोईंग 747-400 (लांब पल्ल्याची, उच्च क्षमतेची वाइड-बॉडी विमाने) ही दोन मोठी विमाने सहजपणे सामावू शकतात. या विमानतळावर दोन समांतर धावपट्टी आहेत, प्रत्येक धावपट्टी 4,000 मीटर (13,123 फूट) लांब आहे.
View this post on Instagram
किंग फहद आंतरराष्ट्रीय विमानतळ आणि बहरीन आंतरराष्ट्रीय विमानतळ (BAH) दरम्यान फक्त 47 मैल (76 किमी) अंतर आहे. किंग फहद आंतरराष्ट्रीय विमानतळ सौदी अरेबियाला दुबईच्या व्यस्त महानगराशी जोडते.
