पवारांची जादू कमी झाली की शिंदे शिवसेनेचे खरे वारसदार ठरले?, भाजपच्या विजयात मोठा वाटा कुणाचा?

५ वर्षांपूर्वी महाराष्ट्राचे माजी मुख्यमंत्री देवेंद्र फडणवीस यांनी विधानसभेत हे वाक्य सांगितले होते. पाच वर्षांनंतर फडणवीसांनी जे संकेत दिले होते तेच केले. गृहमंत्री अमित शहा यांनी शनिवारी फडणवीस यांना फोन करून त्यांच्या दणदणीत विजयाबद्दल त्यांचे अभिनंदन केले. दरम्यान, महाराष्ट्राचे मुख्यमंत्री एकनाथ शिंदे यांचे एक विधान पुढे आले आहे की, जास्त जागा मिळाल्या म्हणजे मुख्यमंत्रीही त्याच पक्षाचा असेल असे नाही. ते म्हणाले की भाजप, शिवसेना आणि राष्ट्रवादी हे तिन्ही पक्ष मिळून मुख्यमंत्री ठरवतील.

पवारांची जादू कमी झाली?

महाराष्ट्राच्या राजकारणात शरद पवारांची जादू कमी झालीये का. हा दुसरा प्रश्न आहे. दुसरीकडे महाराष्ट्रातील जनतेने एकनाथ शिंदे यांना कौल दिल्याने त्यांनाच खऱ्या शिवसेनेचा वारस घोषित केलंय का असा ही प्रश्न आहे?

देवेंद्र फडणवीस हे महाराष्ट्राच्या राजकारणातील मोठे नेते आहेत. महाराष्ट्रातील महायुतीच्या या विजयाने फडणवीस यांच्या नेतृत्वावर शिक्का मोर्तब झाला आहे. सगळ्याच एक्झिट पोलमध्ये महायुतीचे सरकार येईल असा दावा केला जात होता. पण त्यापेक्षाची मोठा विजय महायुतीला मिळाला आहे.

महाराष्ट्रात यंदा सुमारे पाच टक्के अधिक मतदान वाढल्याने याचा फायदा महायुतीला झाला. महिलांनी यावेळी जास्त मतदान केले आहे. कारण म्हणजे लाडकी बहीण योजना. महाराष्ट्रात काँग्रेसला मोठा धक्का बसला आहे. शरद पवार आणि उद्धव ठाकरे यांची ही जादू काही चालली नाही. असं म्हणता येईल. महाराष्ट्रातील जनतेच्या दृष्टीने एकनाथ शिंदे हेच शिवसेनेचे खरे वारसदार आहेत. असा दावा आता केला जात आहे.

फडणवीस मुख्य दावेदार

महाराष्ट्रात मुख्यमंत्रीपदाबाबत देवेंद्र फडणवीस हेच प्रमुख दावेदार असल्याचे राजकीय विश्लेषकांचा म्हणणे आहे. कारण एकनाथ शिंदे यांच्या सरकारमध्ये जर देवेंद्र फडणवीस उपमुख्यमंत्री होऊ शकतात, तर शिंदेही फडणवीस यांच्यासोबत काम करू शकतात. फडणवीस सरकारमध्ये ते उपमुख्यमंत्री होऊ शकतात.

महाविकास आघाडीचा इतका दारुण पराभव होईल असं अनेकांना वाटलं नव्हतं. पण भाजपच्या जागा वाढल्याने महाविकासआघाडीला मोठा धक्का बसला. गेल्या अडीच वर्षांत महायुतीने बरेच ब्रँडिंग केले. मुख्यमंत्रीपदासाठी कोणतीही अडचण होणार नाही असा दावा केला गेला. मुख्यमंत्रीपदासाठी देवेंद्र फडणवीस यांचे नाव निश्चित आहे. देवेंद्र फडणवीस मुख्यमंत्री झाले तर गृहमंत्रालयही ते स्वतःकडे ठेवतील कारण हे पद सांभाळताना त्यांनी पक्षासाठी खूप काम केले.

राष्ट्रीय स्वयंसेवक संघाची महाराष्ट्र निवडणुकीत सक्रियता भाजपसाठी खूप फायदेशीर ठरली. संघ निवडणुकीच्या खूप पूर्वीपासून सक्रिय झाला होता. संघाने सुमारे 40 विविध सहयोगी संघटना मैदानावर उतरवल्या होत्या. घरोघरी जाऊन संपर्क साधला गेला. संघाने संघटनांना सोबत घेऊन मैदानात छोटे छोटे गट तयार केले आणि प्रत्येक गावात आणि शहरात घुसून मतदारांना आपल्या बाजूने जिंकले.

विश्व हिंदू परिषद, बजरंग दल, मजदूर संघ, किसान संघ, राष्ट्र सेविका समिती, दुर्गा शक्ती या संघाशी संबंधित संघटनांचे कार्यकर्ते जागरण मंचच्या बॅनरखाली घरोघरी पोहोचले. या संघटनांनी लँड जिहाद, लव्ह जिहाद, धर्मांतर, दगडफेक, दंगली, भ्रष्टाचार, महिला अत्याचार यांसारख्या विषयांवर लोकांना जागरुक केले. इतकंच नाही तर मतदारांना मतदान केंद्रापर्यंत नेण्यातही महत्त्वाची भूमिका बजावली.

शहा यांचे विदर्भासाठी खास व्यवस्थापन

केंद्रीय गृहमंत्री अमित शहा यांनी महाराष्ट्राच्या निवडणूक व्यवस्थापनाची जबाबदारी स्वीकारल्यानंतर त्यांनी ग्राऊंड लेव्हलमध्ये काही बदल केले. असे महाराष्ट्रातील तज्ज्ञांचे मत आहे. पंतप्रधान मोदींनी आपल्या जाहीर सभांमधून राजकीय वातावरण बदलून टाकले. भाजपने विदर्भाकडे विशेष लक्ष दिले. महायुतीने विदर्भातील स्थिती लक्षणीयरीत्या सुधारली आहे. मराठवाडा आणि पश्चिम महाराष्ट्रात मराठा आरक्षण आंदोलनाचा प्रभाव पाडण्यासाठी भाजपने आक्रमक हिंदुत्वाची रणनीती खेळली. लाडकी बहीण योजना महाराष्ट्रात महायुतीच्या विजयाचे मुख्य कारण बनली.