IND vs BAN : त्या विकेटनंतर रोहित शर्माला बसला आश्चर्याचा धक्का, दिली अशी रिअ‍ॅक्शन Watch Video
भारत आणि बांगलादेश यांच्यात कानपूरच्या ग्रीन पार्क मैदानात दुसरा कसोटी सामना सुरु आहे. पावसाच्या व्यत्ययामुळे हा सामना सुरु होण्यास उशीर झाला. या सामन्यात वेगवान गोलंदाज आकाश दीपची छाप दिसली. दुसरी विकेट तर इतकी भारी मिळाली की कर्णधार रोहित शर्मालाही विश्वास बसेना.
भारत आणि बांगलादेश यांच्यात दुसऱ्या कसोटी सामन्याला सुरुवात झाली आहे. जवळपास 60 वर्षानंतर भारतीय कर्णधारने या मैदानात नाणेफेकीचा कौल जिंकला. कर्णधार रोहित शर्माला हा मान मिळाला. रोहित शर्माने नाणेफेक जिंकताच प्रथम गोलंदाजीचा निर्णय घेतला आणि बांगलादेशला फलंदाजीसाठी निमंत्रण दिलं. पहिल्या सत्रात वेगवान गोलंदाज आकाश दीपचा प्रभाव दिसला. संघाच्या नवव्या आणि 13 व्या षटकात त्याने विकेट मिळवून दिली. झाकीर हसनला तर आपलं खातंही खोलता आलं नाही. त्याने 24 चेंडूंचा सामना केला आणि शून्यावर बाद होत तंबूत परतला. पण एका बाजूने शदमन इस्लाम चिवट झुंज देताना दिसत होता. त्याची विकेट काढण्यात आकाश दीपला यश आलं. कर्णधार रोहित शर्माने संघाचं 13वं षटक आकाश दीपकडे सोपवलं. या षटकाच्या पहिल्याच चेंडूवर शदमन इस्लाम पायचीत असल्याची जोरदार अपील करण्यात आली. पण पंचांनी नकार दिल्याने आकाश दीपने कर्णधार रोहित शर्माकडे धाव घेतली. कसं बसं आकाश दीपने कर्णधार रोहित शर्माला समजावून रिव्ह्यू घेतला. पण जेव्हा तिसऱ्या पंचांचा निर्णय आला तेव्हा मात्र रोहित शर्मा खूपच खूश झाला.
तिसऱ्या पंचांनी जेव्हा रिप्ले पाहिला आणि बॉल ट्रॅकिंगमध्ये असं निदर्शनास आलं की चेंडू सरळ विकेटवर आदळत आहे. त्यामुळे पंचांनी मैदानातील पंचाचा निर्णय रद्द करून लाल बत्ती दिली. त्यामुळे कर्णधार रोहित शर्माच्या आनंदाचा बांध फुटला. खऱ्या अर्थाने त्याला या विकेटसाठी आश्चर्य वाटलं. त्याची प्रतिक्रिया कॅमेऱ्यात चित्रित झाली असून सोशल मीडियावर व्हायरल होत आहे. दरम्यान, शदमन इस्लामचा खेळ 29 धावांवर संपुष्टात आला. त्याने यावेळी चार चौकार मारले होते.
Surprise, surprise Rohit Sharma! 😍
A successful review by the #TeamIndia skipper brings Akash Deep his 2nd wicket of the game! 🙌#INDvBAN #JioCinemaSports #IDFCFirstBankTestSeries pic.twitter.com/YiJMxqzbXm
— JioCinema (@JioCinema) September 27, 2024
Reaction from Captain Rohit Sharma when it turned into 3 REDS. 😄🔥 pic.twitter.com/I4wInzPFrZ
— Johns. (@CricCrazyJohns) September 27, 2024
दोन्ही संघांची प्लेइंग 11
बांगलादेश (प्लेइंग इलेव्हन): शदमान इस्लाम, झाकीर हसन, नजमुल हुसेन शांतो (कर्णधार), मोमिनुल हक, मुशफिकुर रहीम, शाकिब अल हसन, लिटन दास (विकेटकीपर), मेहदी हसन मिराझ, तैजुल इस्लाम, हसन महमूद, खालेद अहमद.
भारत (प्लेइंग इलेव्हन): यशस्वी जयस्वाल, रोहित शर्मा (कर्णधार), शुभमन गिल, विराट कोहली, ऋषभ पंत (विकेटकीपर), केएल राहुल, रवींद्र जडेजा, रविचंद्रन अश्विन, आकाश दीप, जसप्रीत बुमराह, मोहम्मद सिराज.
