देवेंद्र फडणवीस उपमुख्यमंत्री झाल्यानंतर त्यांची राज्यावरील पक्कड ढीली झालीय, विजय वडेट्टीवार यांची टीका

नागपूर | 31 डिसेंबर 2023 : संपूर्ण राज्य ड्रग्जच्या विळख्यात चालले आहे. महाराष्ट्रात केवळ प्रत्येकाचे लक्ष्य आपल्या माणसांना सांभाळणे आणि तिजोरी लूटणे याच कडे आहे. रेव्ह पार्टी कुठेही चालत आहेत. गुटखा आणि तंबाकूजन्य पदार्थांवर बंदी असून सर्रास त्याची विक्री सुरु आहे. आणि मंत्र्यांच्या घरापर्यंत पैसे पोहचवले जात आहे. गृहखात्याचा काही अंकुश राहीलेला नाही. देवेंद्र फडणवीस उपमुख्यमंत्री झाल्यापासून त्यांची पक्कड ढीली होत चालली असल्याची टीका विरोधी पक्ष नेते विजय वडेट्टीवार यांनी केली आहे. राज्य मात्र अंमली पदार्थांच्या आहारी गेले आहे. मुख्यमंत्र्यांचा जिल्हा अंमलीपदार्थांच्या आहारी गेले आहे. महाराष्ट्र एकेकाळी अग्रस्तानी होता. आता महाराष्ट्र एक क्रमांकावर आठव्या क्रमांकावर गेला आहे. समृद्ध गुजरात करून देश खिळखिळा करणे चालू आहे. महाराष्ट्राच्या तरुणांना रस्त्यावर भिक मागण्याची परिस्थिती राज्यकर्त्यांनी आणली असल्याची टीका विजय वडेट्टीवार यांनी केली आहे.