PM Narendra Modi : दिल्लीत मोदी सरकारच्या शपथविधीची जोरदार तयारी सुरू झाली आहे. उद्या म्हणजेच रविवारी नरेंद्र मोदी तिसऱ्यांदा पंतप्रधानपदाची शपथ घेणार आहेत. या अनुषंगाने राष्ट्रीय राजधानीत कडक सुरक्षा व्यवस्था ठेवण्यात आली आहे. दिल्लीला नो फ्लाइंग झोन घोषित करण्यात आलं आहे. ड्रोन उडवण्यास आणि पॅराग्लायडिंगवर बंदी घालण्यात आली आहे. 9 आणि 10 जून रोजी दिल्लीत कलम 144 लागू होणार आहे. राष्ट्रपती भवनाची सुरक्षा व्यवस्था कडक करण्यात आली आहे.