‘त्या’ आरोपांनी राजकारण तापलं! भाजप नेता भडकला; म्हणाला, ‘ठाकरे यांनी मराठी उद्योजकांना हाकलून लावलं’

मुंबई : 27 ऑगस्ट 2023 | ठाकरे गटाचे खासदार संजय राऊत यांनी बॉलिवूडमधील प्रसिद्ध कला दिग्दर्शक नितीन देसाई यांच्या आत्महत्येवरून प्रश्न चिन्ह उठवले आहेत. त्यांनी भाजपवर टीका करताना, भाजपने नितिन देसाई आणि अभिनेता तथा भाजप खासदार सनी देओल यांच्यात दुजाभाव केला. ज्यावेळी नितिन देसाई यांनी मदत मागितली तेव्हा त्यांना ती देण्यात आली नाही.

त्यामुळेच त्यांनी आत्महत्या केल्याचा आरोप त्यांनी केला. तर सनी देओल हे भाजपचे स्टार प्रचारक असल्याने २४ तासात त्यांच्या बंगल्यावर आलेली जप्ती पुढे ढकलण्यात आली असा दावा देखील त्यांनी केला. यावरून आता भाजपकडून जोरदार पलटवार केला जात आहे. राऊत यांनी केलेल्या या टीकेवर भाजप नेते आमदार प्रवीण दरेकर यांनी पलटवार केला आहे. तसेच देसाई यांनी उद्धव ठाकरे यांच्याकडे मदत मागितली होती. ते गेले होते, अशी खात्रीलायक माहिती आहे. तर

त्यामुळेच राऊत हे देसाई यांच्या मृत्यूचं राजकारण करतायत, भांडवल करतायत. त्यामुळे हे खरं आहे की नाही याचं उत्तर त्यांनी द्यावी. तर अनेक मराठी उद्योजकांनी ठाकरे यांच्या दरवाजात जाऊन मदत मागितली होती. मात्र त्यांनी त्यांना हाकलून दिलं. याची सुद्धा यादी आपल्याकडे आहे. ती ही जाहीर करू असा इशारा देखील दरेकर यांनी दिला आहे.