अजित पवार यांच्यानंतर शरद पवार भाजपसोबत येणार? चंद्रशेखर बावनकुळे यांचं सूचक विधान

परभणी, 30 जुलै, 2023 | अजित पवार आपल्या काही सहकाऱ्यांसह शिंद-फडणवीस सरकारमध्ये सामील झाले. अजित पवार यांच्या बंडानंतर राष्ट्रवादीत दोन गट पडले आहे. अजित पवार गटाकडून शरद पवार यांनी भाजपसोबत येण्यासाठी मनधरणीचा प्रयत्न केला जात आहे. अशातच भाजप प्रदेशाध्यक्ष चंद्रशेखर बावनकुळे यांनी केलेलं विधान चर्चेत आलं आहे. शरद पवार भाजपसोबत येणार का? असा सवाल बावनकुळे यांना विचारण्यात आला. यावेळी त्यांनी सूचक विधान केलं आहे. ते म्हणाले की, “शरद पवार भाजप सोबत येणार हे आज सांगणे योग्य होणार नाही. काही काळ थांबा वेगळे चित्र तुम्हाला दिसेल.” चंद्रशेखर बावनकुळे यांच्या या विधानाने चर्चांना उधाण आलं आहे.