भाजपाचे राज्यव्यापी अधिवेशन पुण्यात सुरु आहे. महायुती सरकारने ‘मुख्यमंत्री लाडकी बहीण योजना’ ही योजना खोटी असल्याचा आरोप विरोधक करीत असतात. परंतू आपल्या मतदार संघात या योजनेचे स्वत:चे पोस्टर लावतात अशी टिका उपमुख्यमंत्री देवेंद्र फडणवीस यांनी केली आहे. भाजपाचा सरकारच्या सर्व योजना या महाविकास आघाडी सरकारने बंद पाडल्या. जलयुक्त शिवार योजना, पंतप्रधान निवास योजना या योजना महाविकास आघाडी सरकारने बंद पाडल्या. मेट्रोचे काम बंद पाडले. आणि आता यांचे लोक ‘लाडकी बहीण योजना’ खोटी म्हणत होते. आता मतदार संघात महिलांकडून फॉर्म भरुन घेतले जात आहेत. मला वाटते हे लोक नुसते फॉर्म भरुन घेणार आणि ते सरकारपर्यंत पाठवविणारच नाहीत, स्वत:कडे ठेवून घेतील आणि माता भगिनींना पैसे मिळाले नाही की आमची योजना खोटी आहे असा आरोप करतील असाही आरोप आपल्या भाषणात देवेंद्र फडणवीस यांनी केला आहे.