राज्य सरकारच्या मराठा आणि ओबीसी आरक्षणा संदर्भात विधीमंडळ अधिवेशनाच्या अखेरच्या दिवशी बोलावलेल्या बैठकीला ऐनवेळी विरोधी पक्षांनी बहिष्कार घातल्याने राज्य सरकारने शरद पवार यांच्यावर टिका केली होती. अचानक कुणाचा तरी फोन आला आणि या बैठकीवर बहिष्कार झाल्याचा आरोप सरकारने केला. हा फोन शरद पवार यांचा होता असा अप्रत्यक्ष आरोप सरकारने केला होता. त्यानंतर काल मुख्यमंत्री एकनाथ शिंदे आणि शरद पवार यांची एक बैठक झाली. या बैठकीत सरकारला का सल्ला दिला असा प्रश्न केला असता शरद पवार यांनी आज पत्रकार परिषदेत सांगितले की जरांगे यांना विरोध करणारे सरकारमधील मंत्री ओबीसींचे नेते हाके यांनी स्वतंत्रपणे भेटतात. यामुळे विनाकारण गैरसमज निर्माण आहेत. त्यापेक्षा जरांगे, हाके आणि छगन भुजबळ या मंडळीशी एकत्र भेट घ्यावी माझा सल्लाही घ्यावा त्यानंतर सर्वानुमते निर्णय घ्यावा असे राष्ट्रवादीचे नेते शरद पवार यांनी म्हटले आहे.