मुंबई : कोरोना काळात पुण्यासह मुंबई महापालिकेच्या कोविड सेंटर्समध्ये झालेल्या कथीत घोटाळा प्रकरणात आता ईडीकडून गुन्हा दाखल करण्यात आला आहे. तर याप्रकरणी लाईफलाईन कंपनीसंबंधीत वेगवेगळ्या 10 ठिकाणांवर ईडीकडून छापेमारी करण्यात आली आहे. आज सकाळीच ही छापेमारी करण्यात आली. तर यात सुजीत पाटकर यांच्या संबंधित ठिकाणीच ईडीकडून छापेमारी करण्यात आली आहे. ज्यात IAS अधिकारी संजीव जैस्वाल यांचा ही समावेश आहे. तर यावेळी आदित्य ठाकरे यांचे निकटवर्तीय मानले जाणारे सूरज चव्हाण यांच्या घरावर देखील ईडीकडून सर्च ऑपरेशन केलं जात आहे. ईडीच्या विविध ठिकाणी पडलेल्या या धाडीमुळे खळबळ उडाली आहे.