मुंबई | 10 फेब्रुवारी 2024 : कॉंग्रेसचा मुंबईतील मुस्लीम चेहरा असलेले माजी मंत्री, वांद्रे पश्चिमचे आमदार बाबा सिद्धीकी यांनी अखेर आज राष्ट्रवादी कॉंग्रेस अजित गटात प्रवेश केला. त्यांनी नुकताच कॉंग्रेसच्या सदस्यत्वाचा राजीनामा दिला होता. याआधी दक्षिण मुंबईतील कॉंग्रेसचे नेते मिलिंद देवरा यांनी कॉंग्रेसला सोडचिट्टी देत एकनाथ शिंदे यांच्या नेतृत्वाखाली शिवसेनेत प्रवेश केला होता. बाबा सिद्धीकी यांचे पूत्र तरुण नेते झिशान बाबा सिद्धीकी यांनी मात्र आपण कॉंग्रेसमध्ये जाणार असल्याचे म्हटले आहे. आपण आपले पिताश्री बाबा सिद्धीकी यांना शुभेच्छा देत असल्याचे त्यांनी म्हटले आहे. आपला कॉंग्रेसमध्ये रहाण्याचा विचार आहे. आपण काही टर्म संपण्याची वाट पाहातोय असा विचार करु नका असे त्यांनी म्हटले आहे. आघाडीत असताना शिवसेनेचे सरकार असताना आपल्या शेजारी सरकारचे कार्यक्रम व्हायचे परंतू आपल्या साधे आमंत्रण नसायचे अशी तक्रार त्यांनी केली. आमदार निधीतही अन्याय झाला होता. आपण ही बाब नेहमीच वरिष्ठांच्या कानावर घातल्याचे आमदार झिशान सिद्धीकी यांनी सांगितले.