अजितदादांची साथ सोडून राष्ट्रवादी कॉंग्रेसच्या शरद पवार गटात परत येणारे पहिले आमदार ठरलेले निलेश लंके यांच्या जनसंवाद यात्रेला आजपासून पाथर्डी येथून सुरुवात झाली. नगर दक्षिण लोकसभा मतदार संघातून शरद पवार यांच्या राष्ट्रवादी कॉंग्रेसने निलेश लंके यांना लोकसभेचे तिकीट दिले आहे. पाथर्डीच्या मोहटादेवीचे दर्शन घेऊन निलेश लंकेच्या जनसंवाद यात्रेचा प्रारंभ झाला आहे. या वेळी राष्ट्रवादी कॉंग्रेसचे प्रदेशाध्यक्ष जयंत पाटील यांनी निलेश लंके यांना खासदार करण्याचा निर्णय शरद पवार यांनी दोन वर्षांपूर्वी घेतला होता. ते ज्या आधी ज्या पक्षात होते, तेथील नेत्याचीही त्यांना खासदार करण्याची इच्छा होती. आता जनतेने मला निवडून दिले तर प्रत्येक तालुक्यात एक एमआयडीसी आणून बेरोजगारीचा प्रश्न सोडविणार असे निलेश लंके यांनी म्हटले आहे. आता आपली स्वारी दिल्लीला जाऊनच थांबणार असल्याचे निलेश लंके यांनी म्हटले आहे.