पवारांच्या तोंडून कधीही छत्रपती शिवरायांचं नाव नाही; राज ठाकरेंची टीका

रत्नागिरी : शनिवारी महाराष्ट्रातील कोकणात ठाकरे कुटुंबातील दोन्ही ठाकरेंच्या सभा पार पडल्या. उद्धव ठाकरेंची (Uddhav Thackeray) सभा महाडमध्ये तर राज ठाकरेंची (Raj Thackeray) सभा रत्नागिरीत होती. बारसू रिफायनरीवरून दोन्ही ठाकरेंनी जबरदस्त बॅटींग केली. राज ठाकरे यांनी स्थानिक लोकांना त्यांच्या जमिनी कवडीमोल भावाने विकू नयेत असा इशारा दिला. तर शरद पवारांच्या (Sharad Pawar) राजीनाम्याच्या नाटकाने अजित पवारांचा पर्दाफाश केल्याचं राज ठाकरे म्हणाले. राष्ट्रवादी काँग्रेसमध्ये गेल्या चार दिवसांपासून सुरू असलेल्या पवारांच्या राजकारणावर खरपूस समाचार घेत राज ठाकरे म्हणाले की, हे प्रकरण आता संपुष्टात आले आहे. पण अजित पवार भविष्यात काय करतील हे कोणालाच माहीत नाही. शरद पवारांवरही विश्वास नाही. मराठीची अस्मिता कोणाशी आहे, ही छत्रपती शिवाजी महाराजांची साधी बाब आहे, असेही राज ठाकरे म्हणाले. शरद पवार त्यांचे नाव घेत नाहीत. बाबासाहेब आंबेडकर, महात्मा फुले ही सर्व माणसे खूप मोठी होती. पण छत्रपती शिवाजी आपल्या अस्तित्वाशी निगडीत आहेत. शरद पवारांच्या तोंडून कधीही छत्रपती शिवाजी महाराजांचं नाव घेतलं जात नाही असंही राज ठाकरेंनी म्हटलं आहे.