Mahadev Gitte : हत्या प्रकरणात जेलमध्ये आला, कराडने फसवल्याचा आरोपही केला.. कराडला मारणारा महादेव गीते कोण?

बीडच्या तुरुंगात संतोष देशमुख हत्या प्रकरणातील आरोपी वाल्मिक कराड आणि सुदर्शन घुले यांना मारहाण करण्यात आलेली आहे. तुरुंगातील आरोपी महादेव गीते याने आपल्या साथीदारांसह ही मारहाण केलेली आहे. त्यामुळे आता हा महादेव गीते कोण? त्याचा वाल्मिक कराडसोबत असलेला जुना वाद काय? असे अनेक प्रश्न उपस्थित होत आहेत.

कराडला मारहाण करणारा महादेव गीते हा बापू आंधळे हत्या प्रकरणात सध्या बीडच्या कारागृहात आहे. आपल्याला खोट्या गुन्ह्यात अडकवल्याचा गीते याचा वाल्मिक कराडवर आरोप आहे. जून 2024 मध्ये याच महादेव गीतेच्या घरावर देखील गोळीबार झाला होता. हा गोळीबार वाल्मिक कराडच्या सांगण्यावरूनच झाला असा आरोप गीतेने केला होता. अक्षय आठवले याने देखील कराडला मारहाण करण्यात गीतेला साथ दिली आहे.