जालना | 24 फेब्रुवारी 2024 : मराठा समाजाला 10 टक्के आरक्षण जाहीर केल्यानंतर एकीकडे राज्य सरकार स्वत:ची पाठ थोपटवून घेत आहे. दुसरीकडे आंदोलक मनोज जरांगे पाटील यांनी या 10 टक्के आरक्षणाला आम्ही मागणी केली नसताना बळेबळेच आम्हाला का 10 टक्के आरक्षण का दिले जात आहे असे म्हटले आहे. आम्हाला ओबीसीतून आरक्षण मिळावे आणि सगे-सोयरे नोटीफिकेशनची अंमलबजावणी तातडीने करावी अशीही मागणी जरांगे यांनी करत आंदोलन सुरुच ठेवले आहे. जरांगे यांचे एकेकाळचे सहकारी अजय महाराज बारसकर यांनी मनोज जरांगेंवर प्रचंड टीका केली आहे. त्यानंतर संगिता वानखेडे यांनी देखील जरांगे शरद पवारांचा माणूस असल्याची टीका केली. त्यानंतर जरांगे यांनी मुख्यमंत्री आणि आरोग्य मंत्र्यांना माणूस याचा बोलविता धनी असल्याची टीका केली आहे. जरांगे यांनी आज ( शनिवारी 24 फेब्रुवारी ) सकाळी 11 ते 1 वाजेपर्यंत रास्ता रोको करण्याचे आवाहन मराठा जनतेला केले आहे. त्यानुसार राज्यात ठिकाणी रास्ता रोको सुरु आहे. तुमची लोकं तुम्ही थांबवा, मला डाव टाकायला लावू नका असा इशारा सरकारला दिला आहे. शांततेत रास्ता रोको करणाऱ्यांवरही काही ठिकाणी गुन्हे दाखल केले जात आहे. त्यावरही जरांगे यांनी प्रचंड टीका केली आहे.