‘राऊत यांची भविष्यवाणी म्हणजे मुंगेरी लाल के हसीन सपने’; कुणी केलीय बोचरी टीका
ठाकरे गटाचे नेते खासदार संजय राऊत यांनी पंतप्रधान मोदी यांच्यावर टीका केली होती. तसेच एनडीएचा २०२४ साली पंतप्रधान नसेल असेही त्यांनी म्हटलं होतं. त्यावर शिंदे गटाच्या आमदारानं टोला लगावला आहे.
मुंबई : 17 ऑगस्ट 2023 | ठाकरे गटाचे नेते खासदार संजय राऊत हे भाजपवर टीका करण्याची एकही संधी सोडत नाहीत. यावेळी देखील त्यांनी पंतप्रधान नरेंद्र मोदी यांच्यावर टीका केली होती. राऊत यांनी पंतप्रधान मोदी यांच्यावर टीका करताना, ते २०२४ मध्ये लाल किल्ल्यावरून ध्वजारोहन करणार नाहीत. पुढचा पंतप्रधान एनडीएचा नसेल असे म्हटलं होतं. त्यावरून आता शिंदे गटाचे नेते आमदार संजय गायकवाड यांनी टोला लगावला आहे. राऊत हा पागल माणूस असून त्याची एक देखील भविष्यवाणी खरी ठरलेली नाही. हा हे सरकार जाईल, या तारखेला जाईल असे बाता करत असतो. त्याचे स्वप्न म्हणजे मुंगेरी लाल के हसीन सपने असल्याची खोचक टीका गायकवाड यांनी राऊत यांच्यावर केली आहे.
Published on: Aug 17, 2023 09:23 AM
