नागपूर | 4 मार्च 2024 : नागपूरातील रमण सायन्स सेंटरने जुन्या विण्टेज कारच्या शौकीनांसाठी कार आणि बाईकच्या प्रदर्शनाचे आयोजन केले आहे. या प्रदर्शनात जुन्या क्लासिक कार आणि बाईकच्या दर्दी प्रेक्षकांनी प्रचंड गर्दी केली आहे. या प्रदशर्नाला 25 ते 35 वयोगटातील तरूण- तरुणी भेट देत आहेत. या प्रदर्शनात फॉक्सवॅगनपासून ते मर्सिडीज पर्यंच्या जुन्या कारची 1936 ते 1970 पर्यंत मॉडेल चाहत्यांसाठी ठेवली आहेत. यात एक फॉक्सवॅगन कार आहे जिचे डीक्की पुढे आहे आणि इंजिनपाठी मागे आहे. तसेच बीएमडब्ल्यूची बाईक देखील प्रदर्शनात ठेवली आहे. या कार हल्लीच्या पिढीला केवळ जुन्या चित्रपटात पाहायला मिळतील त्या कारना प्रत्यक्षात पाहून तरुण पिढी अवाक झाली आहे.