मुंबई : भीमा पाटस सहकारी कारखाना कथित घोटाळा प्रकरणी मोठी अपडेट समोर आली. ठाकरे गटाचे नेते, खासदार संजय राऊत यांनी सीबीआयकडे तक्रार दाखल केली आहे. याबाबत संजय राऊत यांनी ट्विट केलं आहे. राहुल कुल यांच्या ताब्यात असलेल्या कारखान्याच्या चौकशी संदर्भात संजय राऊत आक्रमक झाले आहेत. दरम्यान उद्या संजय राऊत यांची दौंडमध्ये होतेय. भीमा बचाव शेतकरी सभासद कृती समितीच्या वतीने या सभेचं आयोजन करण्यात आलं आहे. दौंड तालुक्यातील वरवंड इथे उद्या संध्याकाळी 5 वाजता या सभेचं आयोजन करण्यात आलं आहे. या सभेला शिवसेना ठाकरे गटाच्या नेत्या सुषमा अंधारेदेखील संबोधित करणार आहेत. या सभेत राऊत आणि अंधारे संबोधित करणार आहेत.