मुंबई | 18 ऑक्टोंबर 2023 : ड्रग माफिया ललित पाटील याला मुंबई पोलिसांनी अटक केली आहे. यावरून सत्ताधारी आणि विरोधक आमनेसामने आले आहेत. एकनाथ खडसे यांनी ललित पाटील याची नार्को टेस्ट करा अशी मागणी केली आहे. तर, ठकारे गटाच्या नेत्या सुषमा अंधारे यांनी नाशिकचे पालकमंत्री दादा भुसे यांचा आरोपीच्या पिंजऱ्यात उभे केलय. यावरून मंत्री दादा भुसे यांनी सुषमा अंधारे यांना इशारा दिलाय. तो सापडत नव्हता तेव्हा वेगळं बोलत होते. आता सापडला तर काही वेगळे बोलताहेत. तुम्हाला जर इतके ऍडव्हान्स माहित आहे तर ती माहित तुम्ही संबंधित यंत्रणेला का दिली नाही? त्यांच्या पाठीमागचा बोलवतात धनी कोण आहे? प्रसिद्धीसाठी आरोप करायचे ही गोष्ट बरोबर नाही. महिला म्हणून आदर करतो. ही छत्रपती शिवाजी महाराज, वंदनीय बाळासाहेब ठाकरे शिकवण आहे. परंतु जर अति झालं तर कायदेशीर कारवाई करू असा इशारा मंत्री दादा भुसे यांनी दिला.