मुंबई : विधिमंडळ अधिवेशनादरम्यान उपमुख्यमंत्री देवेंद्र फडणवीस आणि उद्धव ठाकरे यांची भेट झाली. या भेटीवर शिवसेना ठाकरेगटाचे नेते, खासदार संजय राऊत यांनी भाष्य केलंय. देवेंद्र फडणवीस आणि उद्धव ठाकरे यांची अधिवेशनावेळी भेट झाली. त्यात काही वेगळं नाही. विधिमंडळात जाण्याचा मार्ग एकच आहे. त्यामुळे त्यांची भेट झाली. माझीही पंतप्रधान नरेंद्र मोदी, अमित शहा, जे.पी. नडा ही मंडळी भेटत असतात. त्यात वावगं काही नाही. भविष्यात आम्ही अजिबात एकत्र येणार नाही, असंही संजय राऊत म्हणालेत. ते माध्यमांशी बोलत होते.