गृहमंत्री म्हणून काम करताना शिव्याच जास्त खाव्या लागतात. काहींना सकाळी उठून माझा राजीनामा नाही मागितला तर अपचन होते असा टोला शिवसेनेचे नेते खासदार संजय राऊत यांनी लगावला आहे. गृहमंत्री आणि उपमुख्यमंत्री देवेंद्र फडणवीस असतानाच पुण्यात मोठे ड्रग्जचे रॅकेच उघडकीस आले. त्यानंतर आलिशान पोर्शे अपघात प्रकरणात राष्ट्रवादीचे आमदाराचा पोलिस ठाण्यात मध्यरात्री येऊन पोलिसांनी कारवाई करु नये म्हणून दबाव आणण्याचे प्रकरण असो की कल्याण येथे शिंदे गटाच्या नेत्यावर भाजपाच्या आमदाराने गोळीबार करणे किंवा पश्चिम उपनगरात शिवसेनेचे नेते अभिजित घोसाळकर यांच्यावर एका कार्यकर्त्यांनी फेसबुकवर लाईव्ह करीत गोळीबार करणे या घटनांना देवेंद्र फडणवीस यांचा गृहमंत्रालयाची जबाबदारी डागाळली आहे.