खेडची सभा आणि 50 खोके; सुषमा अंधारे यांची रामदास कदम यांच्यावर जोरदार टीका

पुणे : शिवसेना ठाकरे गटाच्या नेत्या सुषमा अंधारे यांनी शिवसेनेचे नेते रामदास कदम यांच्यावर गंभीर आरोप केलेत. सदानंद कदमांवर कारवाई करण्यासाठी रामदास कदमांनीच सांगितलं असावं. खेडच्या सभेनंतर रामदास कदम अस्वस्थ झाले होते. योगेशच्या वडिलांनी म्हणजेच रामदास कदम यांनी 50 खोक्यासाठी पक्षासाठी गद्दारी केली. सदानंद कदमांना रामदास कदमांना आयुष्यातून उठवलं.  यामागे 1 लाख 1 टक्के रामदास कदमांचा हात आहे. उद्धव ठाकरे यांच्या खेडच्या सभेनंतर महाराष्ट्र भाजपची आणि गद्दार गटाची तारांबळ उडाली आहे, असं सुषमा अंधारे म्हणाल्या आहेत.