पुणे | 6 जानेवारी 2023 : पुण्यात भरदिवसा गॅंगस्टर शरद मोहोळ ( वय 40 रा.सुतारदरा, कोथरुड ) याच्यावर त्याच्या जवळच्या साथीदाराने बेछूट गोळीबार करीत त्याची हत्या केली. या घटनेनंतर खळबळ उडाली होती. या प्रकरणात पोलिसांनी तातडीने आठ आरोपींना अटक केली आहे. शरद मोहोळ याच्या घरापासून 200 ते 300 मीटरवर राहणाऱ्या मुन्ना ऊर्फ साहील पोळेकर यानेच मोहोळ याची हत्येचा मुख्य भूमिका बजावल्याचे अतिरिक्त पोलिस आयुक्त रामनाथ पोकळे यांनी सांगितले. शरद मोहोळ घरी जात असताना त्याच्यावर मुन्ना पोळेकर याने त्याच्या दोन साथीदाराच्या मदतीने गोळीबार केला. दूचाकीवरून आरोपी पळून गेले होते. पोळेकर याच्याकडील फोर व्हीलरचा खेड शिवापूर टोलनाक्यावरुन गेल्याचे समजले. सातारा रोज शिरवळ येथून आठ आरोपींना अटक झाली. तीन आरोपींनी गोळी झाडल्याचे प्रथम दर्शनी वाटते. मुख्य अटक आरोपी मुन्ना पोळेकर याचा मामा नामदेव कानगुडे आणि आणखी एक नातवाईक विठ्ठल किसन गांदले यांचे गॅंगस्टर शरद मोहोळ बरोबर पूर्ववैमनस्य होते. शरद मोहोळ याच्या ऑफीसजवळ आरोपी मुन्ना याचे ऑफीस होते. परंतू 25 दिवसांपासून त्यांच्यात जास्त संपर्क आला होता. कानगुडेवर देखील दोन गु्न्हे दाखल आहेत तर पोळेकर वर एक गुन्हा दाखल आहे. कानगुडे आधी सुतारदरात रहायला होता. नंतर तो भूगावला राहायला गेला. आता या आरोपींची कोठडी घेतल्यानंतर नेमके कारण समजू शकल असे पोलिसांनी सांगितले.