आजच्या घडीला भाजपातील सर्वाधिक शक्तीमान असलेल्या नरेंद्र मोदी यांनी अखेर तिसऱ्यांदा देशाच्या पंतप्रधानपदाची शपथ घेतली. राष्ट्रपती भवनाच्या प्रांगणात रंगलेल्या या सोहळ्यात टाळ्यांच्या प्रचंड गजरात त्यांनी पद आणि गोपनियतेची शपथ घेतली. पंडित जवाहरलाल नेहरु यांच्यानंतर असे करणारे ते दुसरे पंतप्रधान ठरले आहेत. या सोहळ्याला देश आणि विदेशातील पाहुणे मंडळी उपस्थित होती. या निवडणूकीत भाजपाला उत्तर प्रदेशात मोठा फटका बसल्याने भाजपाच्या एकट्याच्या बळावर बहुमताच्या जवळ पोहचता आले नाही. आंध्र प्रदेशचे माजी मुख्यमंत्री चंद्राबाबू नायडू आणि बिहारचे मुख्यमंत्री नितीश कुमार यांच्या मदतीने एनडीएने बहुमताचा आकडा गाठल्याने मोदी यांना तिसऱ्यांदा पंतप्रधान होण्याची संधी मिळाली आहे.