लोकसभा निवडणुकीच्या पराभवाने खचून न जाता विधानसभा निवडणुकीच्या तयारीला लागा, असे आदेशच राज्याचे उपमुख्यमंत्री अजित पवार यांनी दिले आहे. पराभव झाला तरी चालेल पण अजित पवारांची साथ सोडणार नाही, असा आमदारांनी एकमताने निर्धारही व्यक्त केला. तर कोणीही शरद पवार यांच्या संपर्कात नसल्याची ग्वाही देखील आमदारांनी या बैठकीत दिल्याचे पाहायला मिळाले. लोकसभा निकालाच्या पराभवानंतर या निकालाचे चिंतन करण्यासाठी अजित पवार गट अर्थात राष्ट्रवादीच्या आमदरांची अजित पवार यांनी एक बैठक बोलावली होती. या आमदारांच्या बैठकीत अजित पवार यांनी आदेश दिले आहेत. दरम्यान, आगामी विधानसभा निवडणुकीच्या पार्श्वभूमीवर अजित पवार हे दोन दिवस मुंबईत तर पाच दिवस बारामतीत असणार आहे, अशी माहितीही मिळतेय.