राजकीय वर्तुळातील मोठी बातमी समोर येत आहे. बारामती विधानसभा मतदारसंघातून आगामी विधानसभा निवडणूक न लढण्याचे संकेत अजित पवार यांनी दिले आहेत. सात ते आठ वेळा बारामतीमधून निवडणूक लढलो त्यामुळे मला आता रस राहिला नाही, असं वक्तव्य अजित पवार यांनी केले आहे. दरम्यान, बारामतीमधून अजित पवार यांच्याऐवजी जय पवार लढण्याची शक्यता आहे. जय पवार यांना उमेदवारी देण्याच्या मागणीवर अजित पवार म्हणाले की, आमच्या भागातील जनतेची आणि कार्यकर्त्यांची इच्छा पूर्ण करण्यास मी तयार आहे. मी सात, आठ वेळा निवडणूक लढलो आहे. त्यामुळे मला आता रस राहिला नाही. जय पवार यांच्या बारामतीतील उमेदवारीवर संसदीय मंडळ निर्णय घेणार असल्याचे अजित पवार यांनी म्हटले आहे. तर अजित पवार यांच्याकडून नव्या विधानसभा मतदारसंघाची चाचपणी सध्या सुरू आहे.