राष्ट्रवादी अजित पवार गटाचे नेते बाबा सिद्दीकी यांच्यावर शनिवारी रात्री 9.15 च्या सुमारास गोळीबार झाला. वांद्रे पूर्व येथील बाबा सिद्दीकी यांच्या कार्यालयाजवळ ही घटन घडली. दरम्यान, शूटर्सला नाकाबंदी दरम्यान अटक व्हिडीओ समोर आला आहे. बाबा सिद्दीकींची हत्या करून पळून जाणाऱ्या आरोपींचा व्हिडीओ समोर आला असून तो व्हायरलही होत आहे. बाबा सिद्दीकी यांच्यावर गोळ्या झाडून पळून जाण्याच्या प्रयत्नात हा आरोपी होता. मात्र हा आरोपी फरार होण्यापूर्वीच नाकाबंदी दरम्यान, पोलिसांनी त्याच्या मुसक्या अवळल्या आहेत. बाबा सिद्दीकी यांच्यावर आरोपींकडून एकूण सहा राऊंड फायर करण्यात आले होते. या गोळीबारात बाबा सिद्दिकी यांना दोन गोळ्या छातीत लागल्या होत्या तर दुसरी गोळी पोटाच्या भागात लागली होती. अशा तीन गोळ्या त्यांच्यावर झाडण्यात आल्या होत्या. दरम्यान, झिशान सिद्दिकी हे ऑफिसमध्ये असताना आणि बाबा सिद्दिकी हे ऑफिसबाहेर पडून आपल्या गाडीत बसले असताना त्यावर गोळीबार झाल्याचा आवाज आला. या गोळीबाराच्या घटनेत त्यांचा मृत्यू झाला.