अमरावती मतदारसंघात महाविकास आघाडीचा उमेदवार विजयी न झाल्यास सिव्हील वॉर होईल, असं वक्तव्य काँग्रेस नेत्या यशोमती ठाकूर यांनी केले आहे. अमरातवीमध्ये यंदा लोकसभेची तिरंगी लढत पाहायला मिळाली. भाजपकडून यावेळी नवनीत राणा, काँग्रेसकडून बळवंत वानखेडे आणि प्रहारकडून दिनेश बूब यांना लोकसभा निवडणुकीचं तिकीट देण्यात आलं होतं. त्यामुळे अमरावतीमध्ये नेमका विजय कोणाचा होणार? याची चर्चा संपूर्ण मतदारसंघात सुरू आहे. तर tv9 पोलस्ट्राटच्या एक्झिट पोलनुसार अमरावतीतील उमेदवाराचा निकाल समोर आले आहे. tv9 पोलस्ट्राटच्या एक्झिट पोलनुसार भाजपच्या उमेदवार नवनीत राणा या आघाडीवर असल्याचे समोर आले आहे. मात्र निकालाच्या एक दिवस आधीच यशोमती ठाकूर यांनी इशारा दिला आहे. तर यावर रवी राणा यांनी पलटवार केला आहे. यशोमती ठाकूर यांची दंगल भडकवण्याची भाषा असून त्या धमकी देत असल्याचे रवी राणा यांनी म्हटले. इतकच नाहीतर त्यांच्यावर पोलिसांनी कारवाई करण्याची मागणीही रवी राणा यांनी केली आहे.