अमरावतीतून एक मोठी बातमी समोर येत आहे. राणा दाम्पत्यानं आगामी विधानसभा निवडणुकीच्या पार्श्वभूमीवर कंबर कसली असताना अशातच त्यांचं मानसिक खच्चिकरण करण्याचा प्रयत्न कोण्या एका अज्ञात इसमांकडून कऱण्यात आल्याचा प्रकार समोर आला आहे. अमरावतीच्या माजी खासदार आणि भाजप नेत्या नवनीत राणा यांना धमकीचं पत्र पाठवण्यात आलं आहे. नवनीत राणा यांना पाठवण्यात आलेल्या पत्रात अश्लिल भाषेचा उल्लेख करण्यात आल्याची माहिती मिळत आहे. नवनीत राणा यांना अज्ञात व्यक्तीकडून त्यांच्या विरोधात अतिशय खालच्या पातळीच्या आणि अश्लील भाषेचा उल्लेख करत धमकीच पत्र पाठवल्यानंतर नवनीत राणांच्या कार्यकर्त्यांकडून संताप व्यक्त केला जात आहे. यानंतर कार्यकर्ते आक्रमक झाले असताना या प्रकरणी पोलीस काही कारवाई करतात का? ते पाहणं महत्त्वाचं ठरणार आहे.