अखेर दहा दिवसानंतर शिल्पकार जयदीप आपटे पोलिसांच्या जाळ्यात अडकला आहे. मालवणमध्ये अवघ्या ९ महिन्यातच छत्रपती शिवाजी महाराजांचा पुतळा कोसळल्यानंतर जयदीप आपटे फऱार होता. दरम्यान, बुधवारी रात्री साडे दहा वाजता जयदीप आपटेला पोलिसांनी अटक केली आहे. जयदीप आपटे आणि बांधकाम सल्लागार चेतन पाटीलला पाच दिवसांची पोलीस कोठडी सुनावली आहे. कुटुंबीयांना भेटण्यासाठी आलेला आपटे पोलिसांच्या अलगद हाती लागला. जयदीप आपटे कल्याणमध्ये येणार असल्याची माहिती पोलिसांना मिळाली होती. त्यासाठी एक पथक कल्याणच्या रेल्वे स्टेशनवर आणि दुसरं पथक कल्याणच्या पाहत्या घराबाहेर होतं. जयदीप आपटे कसाऱ्यावरून लोकल ट्रेन पकडून कल्याणला आला. कल्याण रेल्वे स्टेशनवर उतरून जयदीप ऑटोने दूध नाका परिसरात आला. कोणी ओळखू नये म्हणून त्याने डोक्यावर टोपी आणि तोंडाला रूमाल गुंडाळला होता. दोन बॅगा घेऊन आपटे इमारतीच्या गेटवर आला. पोलीस गेटवरच होते, त्यामुळे त्यांनी त्याच्याकडे आयकार्डची मागणी केली. पुढे काय झालं बघा स्पेशल रिपोर्ट?