Bhandara Murder : मित्रानेच मित्राला चाकूने भोसकलं! रक्ताच्या थारोळ्यात पडलेला मृतदेह पाहून लोक हादरले
Bhandara crime News : पोलिसांनी केलेल्या प्राथमिक तपासात, क्षुल्लक वादातून तरुणाची हत्या करण्यात आली, असा संशय व्यक्त केला जातो आहे.
भंडारा : भंडारा जिल्ह्यात मित्रानेच मित्राची हत्या (Bhandara Murder News) केली. त्यामुळे परिसरात एकच खळबळ उडाली. चाकूने भोसकून मित्राने मित्राचा जीव घेतल्याची घडना अड्याळ पोलीस स्टेशनच्या हद्दीत घडली. एका 26 वर्षांच्या तरुणाचा खून (Murder Case) करण्यात आला. या तरुणाचा मृतदेह रस्त्याच्या कडेला रक्ताच्या थारोळ्यात पडल्याचं निदर्शनास आलं. हा मृतदेह पाहून लोक हादरुन गेले. त्यांनी तत्काळ या घटनेची माहिती पोलिसांनी दिला. पोलिसांनी (Bhandara Police) माहिती मिळताच, तत्काळ घटनास्थळी धाव घेत मृतदेह ताब्यात घेतली. पोलिसांनी केलेल्या प्राथमिक तपासात या तरुणाची हत्या करण्यात आल्याचं समोर आलं होतं. पोलिसांनी त्यानुसार गुन्हा दाखल करुन घेत चौकशी करण्यास सुरुवात केली. दरम्यान, पोलिसांच्या चौकशीत मित्रानेच मित्राची हत्या केली असल्याचं समोर आलंय. तरुणाच्या हत्येप्रकरणी पोलिसांनी दोघा जणांना अटकही केली. सध्या त्यांची कसून चौकशी केली जातेय. या तरुणाची हत्या नेमकी कोणत्या कारणावरुन करण्यात आली, हे कळू शकलेलं नाही. पोलीस त्याअनुशंगानं पुढील तपास करत आहेत.
