कर्जत , १ डिसेंबर २०२३ : अजित पवार यांनी कर्जतच्या शिबीरामध्ये कार्यकर्त्यांना मार्गदर्शन करताना जागावाटपाबाबत मोठं वक्तव्य केल्याचे पाहायला मिळाले. तर लोकसभा निवडणुकीमध्ये बारामती मतदारसंघासह चार ठिकाणी जागा लढवणार असल्याचेही त्यांनी म्हटले. एनडीएचे पंतप्रधान नरेंद्र मोदी व्हावे, ही आपली इच्छा आहे. त्याकरता राष्ट्रवादी काँग्रेस पक्ष आपल्या प्रयत्नांसह मेहनत घेणार आहे. दरम्यान, जास्तीत जास्त खासदार निवडून आपल्याला आणावे लागणार आहे, यासाठी राष्ट्रवादी काँग्रेसपक्षासा प्रयत्नांची शिकस्त करावी लागणार आहे, असे अजित पवार यांनी म्हटले तर मार्च महिन्याच्या पहिल्या आठवड्यात लोकसभेची आचारसंहिता लागण्याची शक्यता असल्याचेही त्यांनी म्हटले आहे. तर बारामती, शिरूर, सातारा आणि रायगड या जागा आपण लढवणारच आहोत. पण यासोबत इतर जागा उबाठाच्या ज्या जागा आहेत, तिथं राष्ट्रवादीची ताकद जास्त असेल तिथं भाजप आणि मुख्मयंत्र्यांशी चर्चा करून राष्ट्रवादी जागा वाटप करणार असल्याचे अजित पवार यांनी सांगितले.