मुंबई, २३ फेब्रुवारी २०२४ : पुणे लोकसभेत कुणा विरूद्ध कोण लढणार, याच्या वेगवेगळ्या चर्चा सध्या सुरू आहेत. काँग्रेसकडून तीन आणि भाजपकडून चार नेत्यांची नाव चर्चेत आहेत. राज्यातील सर्वाधिक मतदारांचा जिल्हा म्हणून ओळखल्या जाणाऱ्या पुण्यात यंदा कोण उमेदवार असणार? याच्या जोरदार चर्चा रंगताय. गेल्या दोन निवडणुकीपासून भाजपने पुणे लोकसभेत निर्विवाद वर्चस्व मिळवलंय. मात्र हक्काच्या कसबा पोटनिवडणुकीत विजयानंतर काँग्रेसचा आत्मविश्वासही वाढलाय. सधाय भाजपकडून मुरलीधर मोहोळ, सुनिल देवधर, संजय काकडे आणि जगदिश मुळीक यांची नावे चर्चेत आहेत. तर काँग्रेसकडून रविंद्र धंगेकर यांनी लोकसभा लढवण्याची इच्छा बोलून दाखवली आहे. त्याबरोबर अरविंद शिंदे आणि मोहन जोशी यांचं नावही घेतलं जातंय. उमेदवारीवरून दोन्ही बाजूकडून रस्सीखेच असली तरी भाजपकडून मुरलीधर मोहोळ आणि काँग्रेसकडून रविंद्र धंगेकर यांचं नाव प्रामुख्यानं पुढं आहे.