राज्याच्या राजकारणात एकनाथ खडसे यांच्या भाजप पक्षप्रवेशावरून चांगलीच चर्चा होत आहे. दरम्यान, एकनाथ खडसे हे भाजपमध्ये प्रवेश करणार असल्याच्या चर्चांवर खुद्द एकनाथ खडसे यांनी भाष्य करत पूर्णविराम दिला आहे. यावरून भाजप आमदारानेच त्यांच्यावर निशाणा साधला आहे. एकनाथ खडसे हे केवळ प्रसिद्धीसाठी खालच्या पातळीवरील आणि हीन दर्जाचे आरोप करत असतात, असं वक्तव्य करत भाजप आमदार मंगेश चव्हाण यांनी करत एकनाथ खडसे यांच्यावर टीका केली. पुढे मंगेश चव्हाण असेही म्हणाले की, सध्या ते अनेक ठिकाणी हातपाय मारत आहेत. मात्र कुठेही त्यांना यश मिळालेलं नाही. जनता त्यांना नाकारत आहे. अपक्ष माणसाने त्यांचा पराभव केल्याचे पाहिला मिळालं आहे, असे म्हणत एकनाथ खडसेंवर जिव्हारी लागणारी टीकाही त्यांनी केली. तर एकनाथ खडसे यांचं वय झालं आहे. बुड्ढा सठिया गया, असे म्हणत खोचक टीकाही मंगेश चव्हाण यांनी खडसेंवर केली.