BJP Candidate List : भाजपची चौथी यादी जाहीर, ‘या’ दोन शिलेदारांना पक्षानं उतरवलं रिंगणात

विधानसभा निवडणुकीसाठी भाजपकडून आपल्या उमेदवारांची चौथी यादी जाहीर करण्यात आली आहे. या तिसऱ्या यादीमध्ये पक्षाकडून दोन शिलेदारांना विधानसभा निवडणुकीच्या रिंगणात उतरवण्यात आलं आहे. पक्षाकडून आतापर्यंत जाहीर कऱण्यात आलेल्या चार याद्यानुसार आतापर्यंत भाजपने महायुतीमध्ये सर्वाधिक 148 उमेदवारांची घोषणा केली आहे. दरम्यान, चौथ्या यादीत उमरेड मतदारसंघातून सुधीर पारवे यांना उमेदवारी जाहीर करण्यात आली आहे तर मुंबईतील मीरा-भाईंदर या मतदारसंघातून नरेंद्र मेहता यांना पक्षाकडून तिकीट देण्यात आलं आहे. निवडणुकीच्या तारखा जाहीर झाल्यानंतर सर्वात पहिल्यांदा महायुतीतील भाजप या पक्षाकडून तब्बल 99 उमेदवारांची यादी जाहीर कऱण्यात आली होती. यामध्ये देवेंद्र फडणवीस, आशिष शेलार यांच्यासह चंद्रशेखर बानवकुळे यांना उमेदवारी जाहीर करण्यात आली होती. त्यानंतर दुसऱ्या यादीमध्ये 22 उमेदवार, तिसऱ्या यादीमध्ये आणखी 25 उमेदवारांच्या नावाची घोषणा करण्यात आली आहे.