मुंबई महापालिकेचा अर्थसंकल्प उद्या, निवडणुकीच्या तोंडावर कोणत्या होणार घोषणा?

मुंबई : देशाचा केंद्रीय अर्थसंकल्प केंद्रीय अर्थमंत्री निर्मला सीतारामण यांनी 1 फेब्रुवारी रोजी संसदेत सादर केला. यानंतर आता मुंबई महापालिकेचा 2023-2024 या वर्षाचा अर्थसंकल्प उद्या 4 फेब्रुवारी रोजी सादर करण्यात येणार आहे. आगामी निवडणुकीच्या तोंडावर मुंबई महापालिकेच्या अर्थसंकल्पात कोणत्या मोठ्या घोषणा होणार, याकडे साऱ्यांचे लक्ष लागले आहे. तर यंदाचा मुंबई महापालिकेचा अर्थसंकल्प हा 50 हजार कोटींच्या आसपास जाण्याची शक्यता वर्तविली जात आहे. हा अर्थसंकल्प आयुक्तांनी जाहीर करावा, अशी मागणी ठाकरे गटाचे नेते अनिल परब यांनी केली आहे.