चंद्रपूर (Chandrapur) शहरातल्या रहमत नगर (rahamat nagar) भागात इरई नदीचे (Irai Nadi) पाणी शिरायला सुरुवात झाली आहे. जवळपास 60 ते 70 घरात नदीचे पाणी शिरले. इरई धरणाचे सर्व म्हणजे 7 दारे 1 मीटरने उघडल्याने इरई नदीच्या पाणी पातळीत सातत्याने वाढ होत आहे. पाणी सातत्याने वाढत राहिल्यास चंद्रपूर शहरातल्या आणखी काही भागात पाणी शिरण्याची शक्यता व्यक्त केली जात आहे. इरई धरणाच्या कॅचमेंट एरिया म्हणजे चिमूर-चारगाव बंधारा क्षेत्रात मुसळधार पावसाने धरणात पाण्याची महत्तम आवक होतेय. इरई नदीच्या पात्रालागत वास्तव्याला असलेल्या नागरिक व शेतकऱ्यांना प्रशासनाने सतर्कतेचा इशारा दिलाय. धरणातून 490 क्युमेंक्स प्रति सेकंद पाण्याचा विसर्ग होतोय.