पर्यटकांसाठी आनंदाची बातमी, आजच ताडोबाच्या जंगल सफारीचं प्लानिंग करा, कारण….
ताडोबा राष्ट्रीय उद्यान हे महाराष्ट्र राज्यातील प्रमुख राष्ट्रीय उद्यान असून ते चंद्रपूर जिल्हयात आहे. याची स्थापना १९५५ साली जेव्हा तो मध्य प्रांताचा भाग होता, जेव्हा याची स्थापना झाली तेव्हापासून हे महाराष्ट्रातील सर्वात पहिले राष्ट्रीय उद्यान आहे. उद्यानात आढळणाऱ्या मगरी-सुसरी आणि गवा हे इथले मुख्य वैशिष्ट्य आहे. याच ताडोबाची जंगल सफारी करणाऱ्यांसाठी आनंदाची बातमी आहे.
Chandrapur Tadoba Jungle Safari : चंद्रपूर जिल्ह्यातील ताडोबा-अंधारी व्याघ्र प्रकल्प आजपासून पर्यटकांसाठी खुला करण्यात आला आहे. पावसाळ्याचे तीन महिने म्हणजे 1 जुलै ते 30 सप्टेंबर ताडोबा व्याघ्र प्रकल्प हा पर्यटनासाठी बंद असतो, या काळात ताडोबा व्याघ्र प्रकल्पातील अंतर्गत रस्ते पावसामुळे सफारीसाठी उपयुक्त नसल्याने आणि या काळात अनेक जीवजंतू, प्राणी आणि पक्षांचा प्रजनन काळ असल्यामुळे पर्यटकांसाठी सफारी बंद करण्यात येते. मात्र पावसाचा जोर उतरताच आजपासून पुन्हा एकदा ताडोबा व्याघ्र प्रकल्प पर्यटकांच्या सेवेत दाखल होत आहे. ताडोबात आजपासूनच पर्यटकांची रेलचेल सुरू होणार असल्यामुळे स्थानिक लोकांच्या रोजगाराला आणि अर्थव्यवस्थेला मोठी चालना मिळेल. अशातच आज ताडोबा सफारीसाठी मास्टर ब्लास्टर सचिन तेंडूलकर नागपुरात दाखल झाल्याची माहिती मिळतेय. बघा व्हिडीओ…