देवेंद्र फडणवीस जे बोलले त्यामागे नक्कीच तथ्य…, ‘महाराष्ट्राचा महासंकल्पा’तील गौप्यस्फोटावर मुख्यमंत्र्यांची प्रतिक्रिया

मुंबई : राज्याचे उपमुख्यमंत्री देवेंद्र फडणवीस यांनी महाराष्ट्राचा महासंकल्प या ‘टीव्ही 9 मराठी’च्या विशेष कार्यक्रमात मुलाखत दिली. यावेळी त्यांनी पहाटेच्या शपथविधीवर अनेक गौप्यस्फोट केले. 2019च्या विधानसभा निवडणुकीनंतर ते राजकीय नाट्य बघायला मिळालं त्यावर देवेंद्र फडणवीस यांनी अनेक मोठे गौप्यस्फोट केले. विशेष म्हणजे त्यावेळी तयार झालेलं भाजप आणि राष्ट्रवादी काँग्रेसच्या काही तासांच्या सरकारला राष्ट्रवादी काँग्रेसचे अध्यक्ष शरद पवार यांची संमती होती, असं देवेंद्र फडणवीस यांनी सांगितलं. यावर राज्याचे मुख्यमंत्री यांनी प्रतिक्रीया दिली आहे. पहाटेच्या शपथविधीबाबत फडणीस-अजित पवार यांना जास्त माहिती आहे. देवेंद्र फडणवीस उगाच असं बोलणार नाही त्यांच्या बोलण्यात तथ्य असेल, असेही एकनाथ शिंदे म्हणाले.