आज महाराष्ट्रातील राज्यपाल नियुक्त आमदारांचा शपथविधी सोहळा पार पडला. दुपारी 12 वाजता विधानभवनातील सेंट्रल हॉलमध्ये हा सोहळा आयोजित करण्यात आला. शिवसेनेकडून माजी खासदार हेमंत पाटील आणि मनिषा कायंदे यांना राज्यपाल कोट्यातून आमदारकीची संधी देण्यात आली आहे. नुकताच यांनी आमदारकीची शपथ घेतली आहे. त्यांना उपसभापती डॉ नीलम गोऱ्हे या विधानपरिषद सदस्यांना शपथ दिली. राजकीय वर्तुळात आपली स्वतंत्र राजकीय ओळख निर्माण शिवसेनेच्या प्रवक्त्या, आमदार डॉ. मनिषा कायंदे यांनी आमदारकीची शपथ घेतली. बालपणापासून राष्ट्रीय स्वयंसेवक संघाचे संस्कार झालेल्या कायंदे या आज शिवसेनेत कार्यरत आहेत. महिलांवरील अत्याचार, महिलांना आरक्षण, महिलांच्या रेल्वे प्रवासाच्या समस्या आदी मुद्द्यांवर त्यांनी सातत्याने आंदोलने केली असून 1992 मध्ये मनिषा कायंदेही वडिलांबरोबर अयोध्येला कारसेवासाठी गेल्या होत्या. अयोध्येला जाऊन आल्यानंतर त्यांनी भाजपमध्ये काम सुरू केलं. तब्बल 25 ते 30 वर्षे त्यांनी भाजपमध्ये काम केलं सध्या त्या एकनाथ शिंदेंच्या शिवसेनेत आहेत.