एखादा गणवेश शिवताना चुकला असेल तर तो बदलून दिला जाईल, असं वक्तव्य करत शिक्षणमंत्री दीपक केसरकर यांनी गणवेशावरून विरोधकांनी केलेल्या टीकेला प्रत्युत्तर दिलं आहे. शाळेतील विद्यार्थ्यांना उत्तम दर्जाचे गणवेश दिले जातात, तर मुलांना गणवेश शिवून देताना महिलांना रोजगार देण्याचा प्रयत्न असल्याचे दीपक केसरकर म्हणाले. यासह विरोधकांनी टीका करण्यापेक्षा डोळसपणे बघावं असं म्हणत दीपक केसरकर यांनी विरोधकांना चांगलंच फटकारल्याचे पाहायला मिळाले. दीपक केसरकर पुढे असेही म्हणाले की, हिल्यांदाच गणवेश शिवण्याचं काम हे महिलांना देण्यात आलं आहे. त्यामुळे वीस हजार महिलांना रोजगार मिळाला. तर महिला औद्योगिक विकास मंडळ यावर काम करतंय. जी मुलांची मागणी असते त्यानुसार गणवेश तयार करावा लागतो. जर एखादा ड्रेस शिवताना चुकला असेल तर तो बदलून देण्यात येईल, असेही केसरकर यांनी म्हटलं.